ଭୁବନେଶ୍ୱର: କୃଷି ଓ କୃଷକଙ୍କୁ ପ୍ରୋତ୍ସାହିତ କରିବାକୁ ପ୍ରମେୟ ଓ ନ୍ୟୁଜ୍ 7 ତଥା ସୋଆ ପକ୍ଷରୁ ଆୟୋଜିତ ହୋଇଯାଇଛି କୃଷକ ରତ୍ନ ସମ୍ମାନ। ଚଳିତ ବର୍ଷ ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଉପମୁଖ୍ୟମନ୍ତ୍ରୀ କନକ ବର୍ଦ୍ଧନ ସିଂହଦେଓ ଯୋଗଦେଇ ୨୬ଜଣ ସଫଳ ଚାଷୀଙ୍କୁ କୃଷକ ରତ୍ନ ସମ୍ମାନ ପ୍ରଦାନ କରିଛନ୍ତି।
ଏହି ଅବସରରେ ଉପମୁଖ୍ୟମନ୍ତ୍ରୀ କହିଛନ୍ତି ଯେ, ଜୈବିକ ସାରର ପ୍ରୟୋଗ କୃଷିର ଭବିଷ୍ୟତକୁ ସମୃଦ୍ଧ କରିବ । ଉଭୟ ଚାଷୀ ଓ କମ୍ପାନୀ ଏଥି ପ୍ରତି ଧ୍ୟାନ ଦେବା ଜରୁରୀ । ଓଡ଼ିଶା ଅର୍ଥନୀତିର ମେରୁଦଣ୍ଡ ହେଉଛି କୃଷି । ଏଥି ପାଇଁ କୃଷକଙ୍କ ଅବଦାନ ବେଶ୍ ଗୁରୁତ୍ବ ବହନ କରୁଛି । ତେଣୁ ଆମ ରାଜ୍ୟରେ କୃଷି ଓ କୃଷକଙ୍କ ପ୍ରାଧାନ୍ୟକୁ କେବେ ବି ଅଣଦେଖା କରାଯାଇପାରିବ ନାହିଁ।
ଅବସରରେ ଉପମୁଖ୍ୟମନ୍ତ୍ରୀ କହିଛନ୍ତି ଯେ, ଜୈବିକ ପଦ୍ଧତିରେ ଚାଷ ଜରୁରୀ । କୃଷିର ଭବିଷ୍ୟତ ଜୈବିକ ସାରର ବ୍ୟବହାର । ଯାହା ଆଗାମୀ ଦିନରେ କୃଷି କ୍ଷେତ୍ରକୁ ସମୃଦ୍ଧ କରିବ । ଉଭୟ ଚାଷୀ ଓ କମ୍ପାନୀ ଏଥିପ୍ରତି ଧ୍ୟାନ ଦେବା ଜରୁରୀ ।ଜୈବିକ ସାର ଉତ୍ପାଦନ ପାଇଁ କମ୍ପାନୀମାନଙ୍କୁ ସେ ଆହ୍ବାନ କରିଛନ୍ତି।
ଚାଷୀଙ୍କ ପାଇଁ ନୂଆ ସରକାର ଦୁଇ ଗୁଣ ସୁବିଧା ଯୋଗାଇ ଦେଉଥିବାରୁ ଚାଷୀ ଏବେ ଭଲ ରୋଜଗାର ବାଟ ପାଇବ। ଏଣିକି ଆମକୁ ଆଳୁ ପାଇଁ ଆଉ ଅନ୍ୟ ରାଜ୍ୟ ଉପରେ ନିର୍ଭର କରିବାକୁ ପଡ଼ିବନି ବୋଲି ସେ କହିଛନ୍ତି । ଏହି ଅବସରରେ ମୁଖ୍ୟ ବକ୍ତା ଭାବେ ଯୋଗ ଦେଇ ସ୍ମାର୍ଟ ଚାଷକୁ ଗୁରୁତ୍ୱ ଦେବାକୁ କହିଛନ୍ତି ଓୟୁଏଟି ପ୍ରଫେସର।
କୃଷି ଓ କୃଷକଙ୍କୁ ପ୍ରୋତ୍ସାହିତ କରୁଛି କୃଷି ରତ୍ନ ସମ୍ମାନ । ପ୍ରମେୟ ଓ ନ୍ୟୁଜ୍ 7 ତଥା ସୋଆ ପକ୍ଷରୁ ପ୍ରତିବର୍ଷ ରାଜ୍ୟର ବିଭିନ୍ନ ଜିଲ୍ଲାର ସଫଳ ଚାଷୀଙ୍କୁ ପୁରସ୍କୃତ କରାଯାଉଛି। ଏଥିରେ ୨୬ଜଣ ସଫଳ ଚାଷୀଙ୍କୁ କୃଷକ ରତ୍ନ ସମ୍ମାନ ପ୍ରଦାନ କରାଯାଇଛି। ସମ୍ମାନିତ ହୋଇଥିବା ପ୍ରତ୍ୟେକ ଚାଷୀଙ୍କୁ ୧୦ ହଜାର ଟଙ୍କାର ପୁରସ୍କାର ରାଶି ମଧ୍ୟ ପ୍ରଦାନ କରାଯାଇଛି । ଏଥିସହ କ୍ୟାମେରାରେ କୃଷି ଓ କୃଷକ ଥିମ୍ରେ ଫଟୋ ଉତ୍ତୋଳନ ପାଇଁ ୩ ଜଣକୁ ପୁରସ୍କୃତ କରାଯାଇଥିଲା ।
