ଦିଲ୍ଲୀର ୩ଟି ସ୍କୁଲ୍ ପରେ ଏବେ ଭାରତୀୟ ରିଜର୍ଭ ବ୍ୟାଙ୍କକୁ ବୋମା ବିସ୍ଫୋରଣ ଧମକ ମିଳିଛି । ଭାରତୀୟ ରିର୍ଜଭ ବ୍ୟାଙ୍କ ଶୁକ୍ରବାର ଦିନ ଏକ ଧମକପୂର୍ଣ୍ଣ ଇମଲେ ପାଇଛି । ଆରବିଆଇ ଗଭର୍ଣ୍ଣର ସଞ୍ଜୟ ମଲହୋତ୍ରାଙ୍କ ଅଫିସିଆଲ ଇମେଲ ଆଇଡିକୁ ଏହି ଧମକ ଆସିଛି । ଏଥିରେ ଆରବିଆଇର ମୁମ୍ବାଇ କାର୍ଯ୍ୟାଳୟକୁ ବୋମା ବିସ୍ଫୋରଣ କରିବାର ଧମକ ଦିଆଯାଇଥିଲା । ଆସିଥିବା ଏହି ମେଲ୍ଟି ରୁଷୀୟ ଭାଷାରେ ଲେଖାଯାଇଥିବା କୁହାଯାଇଛି ।
ଏନେଇ ଅଭିଯୋଗ ହେବା ପରେ ମୁମ୍ବାଇ ପୁଲିସ ଏକ ମାମଲା ରୁଜୁ କରି ଘଟଣାର ତଦନ୍ତ ଆରମ୍ଭ କରିଛି । ଏହି ଇମେଲ ପଠାଇବା ପାଇଁ ଭିପିଏନ୍ର ବ୍ୟବହାର କରାଯାଇଛି ନା ନାହିଁ, ସେ ନେଇ ପୋଲିସ ଖୋଲତାଡ଼ କରୁଛି । ସେହିପରି ଇମେଲ ପଠାଇଥିବା ବ୍ୟକ୍ତିଙ୍କ ଆଇପି ଆଡ୍ରେସ ଟ୍ରାକ୍ କରିବା ପାଇଁ ପୋଲିସ ଚେଷ୍ଟା କରୁଛି ।
