ସଂଚାର ବ୍ୟୁରୋ: ଭୁବନେଶ୍ୱର ଜଳସମ୍ପଦ ବିଭାଗ ସମ୍ମୁଖରେ ଓଡ଼ିଶା ଡିପ୍ଲୋମା ଛାତ୍ରଛାତ୍ରୀଙ୍କ ଧାରଣା। ସରକାରଙ୍କ ODES Rule-୨୦୧୨ ଅନୁସାରେ କନିଷ୍ଠ ଯନ୍ତ୍ରୀ ଚାକିରୀ ପ୍ରଦାନ ଦାବିରେ ଜଳସମ୍ପଦ ବିଭାଗ ଆଗରେ ଧାରଣ ଦେଇଛନ୍ତି। ସରକାରଙ୍କ ODES Rule -2012 ଜଳସମ୍ପଦ ବିଭାଗକୁ ସମର୍ଥନ ଜଣାଇବା ଓ ଏହି ନିୟମ ବିରୁଦ୍ଧରେ ଆସୁଥିବା ନ୍ୟାୟିକ ଲଢେଇକୁ ଯଥାଶୀଘ୍ର ସମାଧାନ ନେଇ ହାତରେ ପ୍ଲାକାର୍ଡ ଧରି ପ୍ରତିବାଦ କରିଛନ୍ତି। ଗତ ୨୦୨୨ ମସିହାରୁ OSSC ଦ୍ବାରା ପରିଚାଳିତ କନିଷ୍ଠ ଯନ୍ତ୍ରୀ ନିଯୁକ୍ତି ପ୍ରକ୍ରିୟା ବାଧାପ୍ରାପ୍ତ ହୋଇଆସୁଥିବାବେଳେ OSSCର ଏହି ମାମଲା ପରିଚାଳନା କରିବା ଓ ସମାଧାନ କରିବା ଦିଗରେ ପଦକ୍ଷେପ ନନେବା ଆଶାୟୀ ଡିପ୍ଲୋମା ଛାତ୍ରଛାତ୍ରୀମାନଙ୍କ ମନରେ ସନ୍ଦେହ ସୃଷ୍ଟି କରୁଛି। ଓଡ଼ିଶା ସରକାରଙ୍କ ଜଳସମ୍ପଦ ବିଭାଗର ଓଡ଼ିଶା ଡିପ୍ଲୋମା ଇଂଜିନିୟର ସର୍ଭିସ ରୁଲ୍ -୨୦୧୨ରେ ସ୍ପଷ୍ଟ ଭାବେ ଉଲ୍ଲେଖ ଅଛି ଯେ, କନିଷ୍ଠ ଯନ୍ତ୍ରୀ ନିଯୁକ୍ତି ପ୍ରକ୍ରିୟାରେ ଭାଗ ନେବାକୁ ହେଲେ ଜଣେ ଡିପ୍ଲୋମା ଇଞ୍ଜିନିୟରିଂ ଡିଗ୍ରୀ ହାସଲ କରିଥିବା ଆବଶ୍ୟକ। ତେବେ ଓଡିଶା ଡିପ୍ଲୋମା ଇଂଜିନିୟର୍ସ ସର୍ଭିସ ରୁଲ 2012କୁ ବଦଳାଇଇବା ପାଇଁ ସରକାରୀ ସ୍ତରରେ ଉଦ୍ୟମ ଚାଲିଥିବା ଅଭିଯୋଗ କରିଛନ୍ତି ଛାତ୍ରଛାତ୍ରୀ। ଯେଉଁଣାନେ ଏହି ଉଦ୍ୟମ କରୁଛନ୍ତି ସେହି ଅଫିସରମାନଙ୍କ ବିରୁଦ୍ଧରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରାଯାଉ। ମୁଖ୍ୟମନ୍ତ୍ରୀ ଛାତ୍ରଛାତ୍ରୀମାନଙ୍କର ଅଭିଯୋଗ ଶୁଣି ସମାଧାନ କରିବାକୁ ଦାବି କରିଛନ୍ତି। ଆସନ୍ତା ୮ ତାରିଖରେ ଅଦାଲତରେ ମାମଲାର ଶୁଣାଣି ହେବ। ଆଡଭୋକେଟ ଜେନେରାଲ ବ୍ଯକ୍ତିଗତ ଭାବେ ଉପସ୍ଥିତ ରହି ମାମଲା ପରିଚାଳନା କରିବାକୁ ଦାବି କରିଛନ୍ତି ଛାତ୍ରଛାତ୍ରୀ ।
