ସଂଚାର ବ୍ୟୁରୋ: ଆଠଗଡ଼ କନ୍ଦରପୁର ବାଲିଆପାଠ ରାସ୍ତାରେ ମର୍ମନ୍ତୁଦ ସଡ଼କ ଦୁର୍ଘଟଣା । ପିକଅପ ଭ୍ଯାନ ଧକ୍କାରେ ଦୁଇ ନାବାଳକ କଲେଜ୍ ଛାତ୍ର ମୃତ । ମୃତକ ମାନେ ହେଲେ ଆଠଗଡ଼ ଥାନା ଅନ୍ତର୍ଗତ କନ୍ଦରପୁର ପଞ୍ଚାୟତର ଅଂଶୁମାନ ଦାସ ଓ ସୋମୁ ରଞ୍ଜନ ବେହେରା । ଆଠଗଡ଼ କନ୍ଦରପୁର ବାଲିଆପାଠ ରାସ୍ତାରେ କଡ଼ରେ ସାଇକେଲ ଧରି ଛିଡ଼ା ହୋଇଥିବା ବେଳେ ମୋଞ୍ଜିନିସ୍ କେକ୍ କମ୍ପାନୀର ଏକ ପିକ୍ଅପ ଭ୍ୟାନ ଭାରସାମ୍ୟ ହରାଇ ନାବାଳକଙ୍କୁ ଧକ୍କା ଦେଇ ରାସ୍ତା କଡକୁ ଓଲଟି ପଡ଼ିଥିଲା । ଗୁରୁତର ଅବସ୍ଥାରେ ଛାତ୍ରଙ୍କୁ ଆଠଗଡ଼ ମେଡ଼ିକାରେ ଭର୍ତ୍ତି କରାଯାଇଥିବା ବେଳେ ସେଠାରେ ଡାକ୍ତର ମୃତ ଘୋଷଣା କରିଥିଲେ । ଘଟଣା ସ୍ଥଳରେ କିଛି ସମୟ ପାଇଁ ଚାପା ଉତ୍ତେଜନା ଦେଖିବାକୁ ମିଳିଥିଲା । ଆଠଗଡ଼ ତହସିଲଦାର ଓ ପୋଲିସ୍ ଘଟଣା ସ୍ଥଳରେ ପହଞ୍ଚି ପରିସ୍ଥିତିକୁ ନିୟନ୍ତ୍ରଣ କରିବା ସହିତ ରାସ୍ତାରୁ ଗାଡ଼ି ହଟାଇବା ପରେ ଯାତାୟାତ ସ୍ଵାଭାବିକ ହୋଇଥିଲା ।.
